admin
Thokozile Mbedzi
INHLANGANISO yeAgricultural Extension (Agritex) isikhuthaze abalimi kundawana zonke zelizwe ukuba baye kumbukiso ye-Agricultural Show ezizakuba khona njengoba abanye abalimi sebeqalisile ukuvuna ukuze bathole izixwayiso zokuba abanye abalimi baphumelela njani.
Ekhuluma lentatheli kaMthunywa uDistrict Agritex Officer weBeitbridge uMnumzana Masawuso Mawocha uthe abalimi kumele bazame ngawo wonke amandla ukuba baye kumbukiso ye-Agricultural Show ngoba kulapho okutholakala khona ulwazi olunengi ngokungaphathisa abalimi.
“Embukisweni weAgricultural show kutholakala izifundo ezitshiyeneyo, inhlanyelo elohlonzi njalo itholakala lapho ngesikhathi esiqondileyo.
“Kumbukiso lowu abalimi batholiswa izifundo lezi kungela mbadalo njalo labo abayabe bethole ithuba lokubuza bazwisise ukuba bona abalime leyo nhlanyelo bakwenza njani ukuze benelise ukuba ibe yinhlanyelo elohlonzi,” kulandisa uMnu Mawocha.
“Kubalulekile ukuthi umlimi azibonele njalo athole ulwazi olujiyileyo ngoba amankampani ezenhlanyelo kunye lamaTechnical Advisors atshiyeneyo ayabe ekhona esabela abalimi ulwazi ngezifundo eziphathelane lokulinywa kwenhlanyelo ezitshiyeneyo.
Uqhubekele phambili esithi abalimi kumele bazame ngawo wonke amandla ukulungiselela ukuze bafinyelele kumbukiso le ukuze bafunde okutshiyeneyo njalo labo bayabele abanye lokho abayabe bekutholile.
“Isikhathi sombukiso yiso isikhathi sokuthola amacebo amanengi aphathisa abalimi ukuze bayesizakala kundawana zonke zelizwe njalo lokhu kwenza ilizwe lithole ukudla okweneleyo.
“Abalimi sibaxwayisa ukuba nxa sebeqede ukuvuna bafaka izilimo zabo eziphaleni badle okunye bahambise eGrain Marketing Board ukuze isiphala selizwe sibe lokudla okweneleyo,” kuphetha uMnu Mahocha.
Online Reporter