admin
UFISA lokuphindisela owesifazane weMpukunyoni, eMtubatuba, othi udlwengulwe yinyanga ebiselapha indodana yakhe.
Owesifazane oleminyaka engu-33 igama lakhe eligodliwe ngenxa yobucayi becala, uthe akasabulali ubuthongo ecabanga ngalesi sigameko.
Utshele Isolezwe ukuthi watshayelwa ucingo abasekhaya eMtubatuba ngesikhathi eseThekwini ngokusebenza. Uthe watshelwa ukuthi indodana yakhe eleminyaka engu-17 iyagula.
“Ngaphuthuma ekhaya ngiyobheka ingane, ngatshayela izihlobo ucingo ngifuna ukuzwa ukuthi ngingathola ngaphi umelaphi wesintu. Ngilayelwa inyanga khona eMtubatuba, kwakhona abangiphelezelayo saya khona.”
Uthe inyanga yabatshela ukuthi kudingeka uR1 500 ukuze kwelatshwe indodana yakhe. Ngaleso sikhathi uthe ubengelayo imali ngoba ubengakaholi, wacela ukuphenduka mhlaka 1 Ntulikazi eseholile.
Esefika inyanga imtshele ukuthi kumele belatshwe bobabili lendodana yakhe. Uthe wayesehamba yedwa lendodana esebuyela enyangeni.
“Inyanga yahogelisa indodana yami okuthize, ngabona ithamba emzimbeni kwangathi iyaquleka. Ibuye yaphaphama emuva kwesikhatshana, inyanga yathi ayiyomlinda phandle,” kutsho yena.
Uveze ukuthi inyanga imyalele ukuthi akahlale esipontshini phansi, maqede yamhogelisa okuthize.
“Ingitshele ukuthi angikhumule ngisale ngobhodisi. Ngizwe ngiphelelwa amandla ngatshaywa yinzululwane emuva kokuhogela. Inyanga ibilokhu ingithinta, ngezwa isandla sesifika esithweni sami sangasese. Bengingelawo ngitsho amandla okuzilwela, yangikhumula ibhulugwe ebengilimboze ngebhayi ngoba ngihlonipha isigodlo,” kuchaza owesifazane.
Uthe inyanga isiqedile ibilokhu ibonga kwabaphansi ithi isiwuqedile umsebenzi. Uveze ukuthi imgcabile ngaphambi kokuthi imdedele.
Uthe ubengayazi le nyanga ngoba wayalelwa yona.
Okhulumela amapholisa KwaZulu-Natal uCaptain Nqobile Gwala, uthe kuphenywa icala lokudlwengulwa kowesifazane. Uthe umsolwa oleminyaka engu-57 ubotshiwe wavela eNkantolo yeMantshi eMtubatuba ngoLwesihlanu. – Ubulembu
Online Reporter