Online Reporter
Nkosilathi Sibanda
ILIGI yeCastle Lager Premier Soccer League yethule enye impelaviki ethokozise abathandi bomdlalo kanobhutshuzwayo.
Kuhlohlwe amabhola angamatshumi amabili lane, okuveze ukuba amaqembu ebezimisele ukuphuma lemiklomelo.
Kumidlalo ebingoMgqibelo, mhlaka 10 Nkwenkwezi iMWOS idlale ngokulingana leTelOne, umdlalo uphele kuyi 2-2 eNgoni Stadium. Enkundleni yeGreenfuel Arena kube yi 0-0 phakathi kweGreenfuel leManica Diamonds.
LaseHarare eRufaro Stadium iCAPS United ibengutshiki lobhanqa ka 1-1 leHerentals.
Kube ludaba olufanayo, amaqembu ekhetha ukuphenduka emakhaya ethwele umklomelo owodwa kumidlalo yeZPC
Kariba leNgezi Platinum (2-2) leBikita Minerals leYadah Stars (1-1)
Kuvuke umqeqetshi weChicken Inn uJoey Antipas ngesikhathi iqembu lakhe linqoba iKwekwe United nge 4-2 enkundleni yeBata, ngeSonto mhlaka 11 Nkwenkwezi. Abafana abachinsa ukudlala kuligi ephakemeyo, iScottland, banqobe iSimba Bhora 2-0.
IHighlanders ibengutshiki lobhanqa 1-1 leFC Platinum eBarbourfields. ITriangle idlale leDynamos, yanqoba 2-0.
Kusenjalo, MWOS iyakhokhela kungalane yamaqembu ngemiklomelo engatshumi amabili lantathu, kumidlalo elitshumi lanye. Ilandelwa yiScottland lemiklomelo engamatshumi amabili lambili.
