Online Reporter
Yintatheli kaMthunywa
INKAMPANI yeZimbabwe Electricity Distribution Company (ZETDC) ibika ukuba ihlose ukuphendukisa lamuhla amagetsi acitshe ngoMgqibelo kumalokitshi ambalwa koBulawayo.
Kusukela ngoMgqibelo mhlaka 10 Nkwenkwezi emini, indawo ezinengi lokhe zingela amagetsi, okubikwa kwabangelwa yikuqamuka kwegiya emitshineni.
Amagetsi acitsha emalokitshini agoqela eLuveve, Gwabalanda, Old and New Lobengula, Pelandaba, Matshobana, Mpopoma, Njube, eMakhandeni, Barbourfields, Nguboyenja, Makokoba, laseMzilikazi.
“I-ZETDC ithanda ukwazisa ukuthi kulengqubekela phambili ebonakalayo kumizamo yokubuyisa amagetsi.
Amaqembu ethu aseqede ukulungisa phose i-80 phesenti yalokho okudingakalayo njalo asebenza ngokuzimisela ekubuyiseni amagetsi ngokugcweleyo.
“Sihlose ukuqeda lokubuyisela amandla kagetsi ekupheleni kosuku lwangoLwesibili mhlaka 13 Nkwenkwezi 2025,” kutsho umbiko weZETDC okhitshwe ngoLwesibili ekuseni.
