shloboe boe
KUMISWE umngcwabo abazali bakamufi bebanga isidumbu sakhe, okuze kwacina kungangcwatshwanga.
Lesi sehlakalo senzakale ngoMgqibelo emathuneni eWentworth, eThekwini, lapho obekuyogcwatshwa khona uMnu Thulani Gcaba (27), odlule emhlabeni ngemva kwengozi yemota eyenzekale eMlazi ngomhlaka 1 kuyonale inyanga.
Ngokuthola kwaleli phephandaba ngababekhona enkonzweni yomngcwabo kuthiwa kuqale kwabonakala ukuthi kunomdonsiswano ngesikhathi kuqhubeka inkonzo yomngcwabo eholu ye-AA, lapho abomndeni wasohlangothini lwakubo kayise kamufi uthe kakufanele ngabe ungcwatshwa ngumdeni wakoninalume ngoba umufi wayetshilo ukuthi ufisa ukugcwatshwa ngumdeni kayise kwaGcaba, ePort Shepstone.
Intatheli ikhulume labanye abebehambele lumngcwabo abangawuvali umlomo ngabakubonile.
“Umufi ongowokuzalwa esigcemeni sakwa-M, mhlaka 1 Nhlolanja wahamba labangane bakhe besiyathenga inyama yokosa bebungaza imota abesanda kuyithenga. Emoteni bebengu-6, kwatshona uThulani lomunye umngane,” kutsho lo mthombo. Uthi uThulani ukhuliswe ngumdeni wakwaMasango, njengoba kunguye kuphela kunina futhi wehlukana loyise esemncane.
“Unina kaThulani ube eseqala amalungiselelo omngcwabo, kwavunyelwana ukuthi uzangcwatshwa ngunina. Indaba iqale ukonakala ngosuku lomngcwabo, kwabonakala ukuthi umdeni kayise kawufuni angcwatshwe eThekwini,” kutsho lo mthombo. Uthi kuthe sekukhuluma abafowabo kamufi, kwasukuma owesilisa ozalwa nguyise kamufi kwasuka umsindo.
“Owesilisa osukumile ukubeke kwacaca ukuthi bona bebefuna ukuzingcwabela indodana yabo ngoba bethi yazitsholo yona ukuthi ifisa ukungcwatshwa kwaGcaba nxa idlula emhlabeni,” kutsho yena. Uthi kuze kwalekelela amapholisa abekhona ngesikhathi lo obekhuluma ekhwela edilika kunina kamufi. Utsho lokhu waze waveza ukuthi unama-voice note kamufi ezitsholo yena ukuthi nxa kwenzeka edlula emhlabeni ukufuna ungcwatshwa kubo. Inkonzo iqhubekile yaze yaphela kwayiwa emathuneni eWentworth.
“Sifike khona ngehola lokuqala kodwa size sahamba sekugamenxe elesine kungangcwatshiwe lebhokisi lingehlile emoteni ngoba umbango ubusukwelinye izinga. Kufike abakwaGcaba ngesikhathi sekufanele kwehliswe ibhokisi bathi bona kulengubo abangayazi emgodini, ngeke ingane yabo ingcwatshwe kulowo mgodi. Kuphinde kwangenela amapholisa athe imindeni yomibili mayiye ehofisini kuyobuzwa ukuthi ukhona yini oseke wagcwatshwa kulowo mgodi,” kutsho yena.
Uthi abakwaGcaba bebetshaya phansi ngonyawo bethi uma kuke kwangcwatshwa nje bazolimba ithuna, bakhiphe indodana yabo baye layo eSayidi.
“Unina kamufi laye ubetshaya phansi ngonyawo ethi ngeke angayingcwabi indodana yakhe kungukuphela kwayo futhi ebe eyikhulise yedwa. Kuze kwangenela abazalwane abakhonza lonina kamufi, bemncenga ukuthi makehlise umoya ayikhulule indodana yakhe, bayithathe ngoba akukho angakwenza,” kulanda umthombo.
Omunye obekhona kulo mngcwabo uthi kudingeke ukuthi kuhanjwe kusale imota lesidumbu labakwaGcaba abebesazama imota ebizolanda ibhokisi lesidumbu sikamufi bahambe laso.
“Kubizwe ingoduso kamufi ukuthi izovalelisa, unina watshelwa ukuthi akamukelekile emgcwabeni wendodana yakhe obekulindeleke ukuthi ube izolo ngeSonto eSayidi. Selokhu ngabakhona bengiqala ukubona into enjengaleyana,” kutsho yena.
ILANGA likhulume loNkszn Thobile Masango unina kamufi, ovumile ukuthi isigameko senzekile wathi indodana yakhe uyitshiye emathuneni ingagcwatshiwe futhi akayanga emngcwabeni wayo obekulindeleke ube izolo ngeSonto.
“Mina ngikwenzile konke obekufanele ngikwenzele indodana yami njengoba lenkonzo yayo ihambe kahle yize noma ike yaba lezihibe. Ngikhethe ukuthi ngiyikhulule, bayithathe singamngcwabi ngoba bekungasekuhle. Kangiyanga emngcwabeni wayo indodana yami,” kutsho yena.
Uthi naye kumethusile ukuthi kube namalungu omndeni alwayo uma esengcwaba ngoba bafika bezocela, umndeni wangavuma.
“Kwafika abakubo kayise kaThulani esasitshadile laye sahlukana ngase ngizikhulisela yena. Bacele ukuthi bamngcwabe sanqaba ngoba lami bengilesifiso sokuzingcwabela ingane yami baphinde futhi bavuma bathi bayakuqonda lokho. Kangazi-ke ukuthi bese kutshintsheni,” kutsho yena.
Imizamo ye-ILANGA yokuthola ukuphawula kukayise kamufi izolo ngeSonto kayiphumelelanga, ucingo lwakhe belukhala lodwa lungabanjwa kuze kwatshaya isikhathi sokudinda. — Ilanga
Online Reporter
