Online Reporter
Danisa Masuku
KULAMADODA amabili esiqintini seMphoengs, eBulilima esabelweni seMatabeleland South okubikwa abulala izakhamizi ezimbili, qede ajikela izidumbu emthonjeni lapho okunatha khona abantu.
Iphephandaba likazulu lizwe ukuba izakhamizi zakulindawo bezinatha emthonjeni lo, cala celeni, ezinye zibabaza “ubunandi” bawo.
Izikliwi zamadoda abuleleyo la, uModiri Dube loMethuli Ncube, bamiswe phambi kukaMehluli uNgoni Nduna eBulawayo High Court ngoLwesine, obagwebe iminyaka engu-40 ejele munye ngamunye.
Inkundla izwe ukuba owabulawa kuqala nguMillion Moyo mhlaka 30 Mfumfu nyakenye, abathe waxabana labo ngoba ecabangela ukuthi ukhona phakathi kwabo othandana laye. Batshele inkundla ukuthi umuyi nguye owaqala umsindo, bona bazama ukuzivikela.
Bamgwaza esifubeni.
Ngalobo busuku, amadoda la ahlasela njalo uBhekinkosi Ncube esemzini wakhe, befuna imali. Kodwa, uNcube waphuma ethwele induku. Ngokuphangisa, watshaywa ngesitina ekhanda, wathi daca phansi, baphinda bamgwaza.
Ababulali basuka lapho bajikela izidumbu emthonjeni, bezama ukuvala icala.
