Online Reporter
Ethel Ncube
KULOMFUNDISI webandla le 12 Apostles eTohwe eNkayi ngaphansi kwenduna uMadliwa ogalule edamu ngesikhathi ebhabhathiza abazalwane ngoLwesithathu kuyonale iviki.
Umfundisi lo, uInnocent Moyo kubikwa wathi esabhabhathiza abazalwane edamu leTohwe waya lapho okutshona khona okwabangela ukuthi agalule afe.
Kubikwa ngalelolanga umfundisi lo wayebhabhathiza abazalwane abahlanu aze ehlelwe ngamashwa la.
Kuvele ukuthi omunye umzalwane wathi esengene edamu esiyabhabhathizwa uMoyo wayalapho okutshona khona ngokisweleka kwenhlanhla wakhulelwa ngamanzi abanye ababelapho behluleka ukumncedisa.
Indaba le kubokwa yabikwa emapholiseni abuya azothatha umzimba kamuyi.
Intatheli ixhumane lesikhulumi samapholisa eMatabeleland North uInspector Glory Banda obike ukuba indaba enjalo bayamukele.
“Umzimba kamuyi uInnocent Moyo owebandla le 12 Apostles uthwalelwe esibhedlela seNkayi ngemva kokuba egalule edamu leTohwe.
“Sikhuthaza uzulu ukuba angangeni emanzini kumbe emfuleni olamanzi lapho okutshona khona ngoba kuyingozi kudala ukulahleka kwemiphefumulo,” kutsho uInsp Banda.
