adminBRUSSELS — UKhalid kanye no-Ibrahim El Bakraoui abayizelamani basolwa njengamadelakufa adedele iziqhumani esikhumulweni sezindiza eBrussels, kubika iNewswatch.
Kuthiwa uKhalid waqasha ifulethi eBrussels ngesonto eledlule ngegama okungelona elangempela futhi amaphoyisa athole umkhondo kaAbdeslam nokuyiyona ndoda efunwa kabi e-Europe.
Kusolakala ukuthi uKhalid uyathinteka kwelokuqasha ifulethi eCharleroi idolobha eliseNingizimu neBelgium nokuyilapho u-Abdeslam namanye amadelakufa aseBrussels aqhumisa ezindaweni ezingu-13 eParis lapho kwashona khona abantu abangu-130.
Umthombo wamaphoyisa utshele abe-AFP ukuthi lo wesilisa ophakathi kwabalisa abathathu ababonakele kumakhamera alesi sikhumulo sezindiza kungaba u-Ibrahim El Bakraoui.
Eminye imibiko ithi omunye walezi zilamani ogamalakhe lingakhishwanga uyathinteka kulezi zigameko zokuqhumisa isikhumulo sezindiza kanye nesiteshi sesitimela. — News24
Online Reporter