admin
KULINDELWE umbiko ozakwethulwa yikhabhinethi lamhlanje ntambama ngokuvulwa kwezikolo kwethemu yesibiili nanko phela inani labantu abahlaselwa lubhubhane lweCovid-19 liqhubeka liqansa ukusa kwamalanga.
Mhlaka 21 Nhlangula kutholakale abantu abangu-416 betheleleke ngomkhuhlane lo, kuthi abangu-13 badlule emhlabeni ngemva kokuhlaselwa ngumkhuhlane lo.
Ithimba leNational Taskforce elibona ngeCovid-19 lihlale phansi ngoMvulo libonisana ngokuvulwa kwezikolo andubana lidlulisele phambili lokho elikunanzeleleyo kukhabhinethi edibana lamhlanje lapho okuzakwenziwa khona isinqumo ngokuzakwenziwa.
Kukhangelelwe ukuthi ngemva komhlangano wekhabhinethi, uMphathintambo obona ngezokukhitshwa kwembiko, uSenetha Monica Mutsvangwa ethule umbiko ngokuvulwa kwezikolo lokunye okuyabe kudingidwe emhlanganweni lo.
Ithemu yesibili yezikolo ikhangelelwe ukuqala ngoMvulo kuviki ezayo.
Kuyonale inyanga kuphela sokufe abantu abangu-76 bebulawa lubhubhane lolu
Online Reporter