Kwakhiwa inkundla yamasiko eSizinda

Mthabisi Tshuma

UGATSHA lweNational Arts Council of Zimbabwe lubika ukuba ukwakhiwa kwenkundla yamasiko, iSizinda Cultural Village, esigabeni seMaphisa eMatabeleland South kuzaphakamisa lesi isabelo, kuphathise njalo ekulondolozweni kwamasiko elizweni.

ISizinda Cultural Village kukhangelelwe ukuthi ibe ngenye yezakhiwo lenkundla eziphatha inhlelo zokuthakazelela ilanga likaZibuse mhlaka 18 Mabasa.

Lonyaka umkhosi kaZibuse uzabe useMaphisa.
Umqondisi wenhlelo kuNational Arts Council of Zimbabwe, eMatabeleland South Provincial Officer uPercy Vela uthe amalungiselelo enkundla yeSizinda Cultural Village aqhuba kuhle njalo bahlose ukuthi indawo le itshengise ubungcitshi balesi isabelo kwezamasiko lokuphathwa kwemikhuba elizweni.

“Sibe lomhlangano lenduna uFuyane kunye logatsha lwezemidlalo kuHulumende lezinye inhlanganiso zomphakathi. Inkundla yeSizinda Cultural Village izabe iseduzane lalapho okulenkundla yezemidlalo okuzaqhutshwa khona unkhosi wokuthakazelela ilanga likaZibuse,” kutsho Vela.

“ISizinda Cultural Village izakuba lezindlu lezinye izakhiwo ezitshengisa impilo lamasiko amaNdebele, kuzakuba le-hall, isitolo lezindlu zokutshintshela impahla.”