admin
ABAZALI kumele baqinisekise ukuthi izingane zabo ziyafaka izayeke ukuze zivikeleke kuCovid-19.
Loba kukhangelelwe ukuthi umuthi wokwenqabela igcikwane leCovid-19 ufike maduze kuleli, abazali sebekhuthazwe ukuthi bafundise abantwababo ngalumkhuhlane ngoba kukhanya ulakho ukuhlasela abantwana.
Inengi labantu belibona angathi umkhuhlane lo uhlasela abadala kuphela kodwa sekuvele ukuthi ngokugadla kwesibili komkhuhlane lo, abantwana abancane labo sebelakho ukutheleleka ngomkhuhlane lo.
Inkuthazo le iza nje ngoba abantwana abafunda amabanga aphansi bakhonze ukudlala ndawonye uma kulikhefu noma seziphumile isikolo.
Emalokitshini amanengi abantwana babonakala begcwele ezitaladeni bedlala njalo kwezinye izikhathi bayabe bebambani kodwa bengafakanga izayeke.
UDokotela Bongani Nxumalo, uthe kumele abazali bakhumbule ukuthi isivunguvungu seCovid-19 sibhubhisa wonke umuntu ongazinakekeli longahloniphi imithetho ebekiweyo.
Uthe ukunanzelela kwabazali ngaso sonke isikhathi kuzasiza kakhulu ekutheni bavikele ukuthi abantwababo bazithole sebethelelana igcikwane.
“Isivunguvungu sesibili asibhubhisi abadala kuphela kodwa labancane siyabahlasela. Lo umkhuhlane kawufani leminye. Izimpawu zeCovid-19 sesike sazibona ebantwaneni abaleminyaka emibili kanjalo labaleminyaka ephezulu.
Leli gcikwane linamathela emlonyeni, emakhaleni, emankankeni, emaphatshini lakwezinye izitho zomzimba bese liyagadla emuntwini ozwa ubuhlungu kula amalunga omzimba. Ingane ibanjwa yisisu esibuhlungu noma izwele ukutshisa ngendlela exakile noma iphelelwe ngamandla.”
Uthe kubalulekile ukuthi abazali baqhubeke ngokufundisa izingane zabo ngokubaluleka kokuthi zifake izaheke lokugeza izandla ngaso sonke isikhathi.
Uthe ukufundisa izingane ngobumqoka bokuzinakekela kuzaphathisa kakhulu ukuthi zihlale ziqaphele futhi zisazi ngengozi yegcikwane.
Ephetha uthe kumele abazali baqinisekise ngaso sonke isikhathi ukuthi izingane ziyayilandela imithetho ebekiweyo ukuze ibonakale imiphumela yokulwa lalolu bhubhane.
Online Reporter