Online Reporter
“SIMTHOLE egqitshelwe okwenja umfowethu, kungekho ngitsho okukhombisa ukuthi lithuna. Kuvele kwagejwa igodi elincane, elingafiki ngitsho ekhalweni, ubezadliwa yizinja ngokukhulu ukuphangisa.”
Lawa ngamazwi kaNkosazana Sibongile Nkonyane, ongudadewabo kamongameli webandla lamaZayoni iNyonini
Mission, umongameli uThamsanqa Nkonyane, okwembiwe isidumbu sakhe ngoMvulo, sigqitshelwe ngemva kwendlu eyirawundi, emishini yesonto eSizweni, eNewcastle. UNkzn Nkonyane uthi lindawo abathole kuyo isidumbu sikamfowabo, yindawo yokulahla izibi.
“Umfowethu wangcwatshwa ngudlu, ebusuku singazi singumdeni, kwathiwa ubefihlwa njengenkosi. Leyandawo esimthole kuyo, ngeke ugqibe kuyo ngitsho inja yakho oyithandayo, njengoba bekugqitshwe umfowethu.
Bekungabonakali ukuthi kulethuna ngoba kuyindawo eqondileyo, kwase kubekwa amahlamvu.
“Kuyo lindawo sibone ngokuthi bekulesihlabathi sasemfuleni esibukeka sisitsha, kukhombisa nje ukuthi kukhona obekumbozwa, kodwa kungasi ndunduma etshengisa ukuthi lithuna,” utsho njalo.
Uthi ngemva kokuba iNkantolo eNkulu eMgungundlovu ibanikeze igunya lokuyokwemba isidumbu sikamfowabo, iyalele isanciza sakhe (uNkonyane) uNkzn Sizeni Mazibuko, uMaKhuzwayo, ukuba ayokhomba lapho agqiba khona uNkonyane. Uthi kuthe sekufanele akhombe, wathumela incwadi kubameli ethi uyagula.
“Siqhubekile lomsebenzi wokugebha ngoba bekulesigatshana esithi uma engafiki ukuzokhomba, kuyofanele sigebhe lapho esisola ukuthi ugqitshelwe khona. Uqhubekile-ke umsebenzi sagebha, ngenhlanhla ubekhona umfana owabhoboka, ethi bagejiswa leli thuna ebusuku.
“Kuthe kungafika ngenhla kwamadolo ukwemba, kwabe sekuqhamuka isikhumba senkomo, wahlaba ngefotsholo umfana, kwaqhamuka ingubo yokulala. Waphinda wahlaba umfana, kwaqhamuka umqamelo lomfowethu egoqwe ngejali. Kuphinde kwafakwa impahla ebezibukeka zizincane ngokomzimba, ebezingakhombisi ukuthi bezigqokwa ngumfowethu.
“Kunengi obekufakwe egodini esingakuqondi kahle, obekusetshenziswa ngesikhathi kusenziwa lumkhuba.
Umfowethu ubengangcwatshwanga, kodwa ubegqitshelwe wena owabona inja obungayithandi, engafakwanga lasebhokisini.
Ekhanda ubepoqokile, elegazi. Sisafuna siyohlolwa lesidumbu ukuze saneliseke ngembangela yokutshona kwakhe ngoba ogile yonke lemikhuba, wasitshela ukuthi wayekhale ngesiyezi wase siwa, watshona. Lokhu kufihlwa kukamfowethu, kuvusa izinsolo zokuthi kunengi okwakufihlwa,” kutsho uNkz Nkonyane. —Ilanga
Bunjiwe Mkwananzi