admin
Joel Ndlovu
ABALIMI sebekhuthazwe ukuba balime i-bana grass ukuze izifuyo zabo zithole ukudla ngesikhathi sendlala okuzenza zingacubi.
Ekhuluma lentatheli kaMthunywa uMnumzana Ntandoyenkosi Ndhlovu onguAgricultural economist kunkampani yeWorld Shakers Investments uthe utshani lobu buyikudla okwakha umzimba wezifuyo ezifana lenkomo, imbuzi lezimvu.
“I-bana grass iqakatheke kakhulu ngoba izifuyo ziyathola okokudla loba ngesikhathi sendlala, ayihluphi ukulima lokunakekela. Utshani lobu bungalinywa loba kuwuphi nje umhlobo wenhlabathi njalo bukhula bube lamahlamvu angaba ngamasentimitha amathathu ububanzi, njalo bubebude okwamamitha amane,” kuchaza uMnu Ndhlovu.
Uqhubekele phambili esithi utshani lobu bukhula kuhle emhlabathini olomvundiso omnengi.
“Utshani lobu abuhlanyelwa ngentanga, kusetshenziswa nje iziqephu ezimfitshane zayo kungakho-ke ukuyihlanyela endaweni enkulu kunzima njalo kuyasebenzisa kodwa kuyenzeka. Kodwa okuhle yikuthi iyaphangisa ukukhula ibende okwenza umlimi aphangise ukuba lamadlelo.
UMnu Ndhlovu uphethe ngokuthi i-bana grass ingahlanyelwa yiloba yisiphi isikhathi kodwa-ke kuqakatheke kakhulu ukuthi ihlanyelwe ikakhulu ngesikhathi sezulu ukuze kutholakale amanzi amanengi azakwenza utshani lobu buphangise ukukhula kube lamadlelo.
Online Reporter