admin
Thokozile Mbedzi
INHLANGANISO yeAgritex ikhuthaza abalimi kundawana zonke zelizwe ukuba balime izilimo eziphangisa ukuvuthwa.
Ekhuluma lentatheli kaMthunywa uProvincial Agritex officer Dumisani Nyoni uthe abalimi kabalime izilimo eziphangisa ukuvuthwa.
“Abalimi kundawana zonke zelizwe kabalime inhlanyelo eziphangisa ukuvuthwa njalo izilimo abangazilima ngamabele, inyawuthi, indumba, imbambayila, umumbu ophangisa ukuvuthwa kanye lendumba kakhulu sikhuthaza abalimi ukuba balime izilimo zesintu.
lzilimo zesintu sikhuthaza abalimi ukuba bazilime ngoba zilakho ukumelana lelanga.
Izilimo lezi zinhle ngoba ziyakha umzimba abantu kumele badle ukudla okwakha umzimba.
Abalimi njalo sikhuthaza ukuba bancedisane ukuba balwisane lomkhathi balime kusasemasinyane.
Bangahlanganyela benze amalima bancedisane kusasa baye komunye basebenze kuphele.
Abalimi kumele bahlole njalo ensimini zabo ukuze baphangise babone nxa izilimo sezihlaselwa ngezibungu loba umkhuhlane abalimi kumele bancedisane njalo ngoba kuyamemetheka kusiya kwabanye ngakho kumele babambane ngoba kungamemetheka kuye komunye njalo.
Kuqakathekile ukubambana abantu bancedisane njalo bahlanyele lentanga ezinabayo ngoba zilondoloza ubumanzi,” kuphetha uProvincialaAgritex office Nyoni.
Online Reporter