admin
Ethel Ncube
UZULU uyakhuthazwa ukuba angatshisi amahlanga omumbu kodwa awalondoloze futhi awagcine kuhle ngoba ayikudla kwezifuyo.
Ekhuluma kumbukiso weZimbabwe International Trade Fair osanda kwedlula, uMnumzana Thomas Munetsi owenkampani yeAgriseeds obona ngezokuthengiselana ubikele intatheli ukuba amahlanga akumelanga atshiswe kodwa kumele agcinwe ukuze izifuyo zithole ukudla.
Ekhuluma lentatheli uMnu Munetsi uveze ukuba amahlanga kumele agcinwe kuhle.
“Abalimi kumele bagebhe amagodi angatshoni kakhulu bafake amahlanga phakathi besebethela i-molasses phezulu kwayo bathathe iphepha lepulastiki elimnyama balendlale phezu kwamahlanga lawo,” kulandisa uMnu Munetsi.
Uqhubekele phambilli eveza ukuthi amahlanga lawa angagcinwa ngale indlela ayahlala isikhathi eside.
“Amahlanga lawa ayazihlalela isikhathi eside ephansi umlimi uyabe ethatha khonapho enika inkomo zakhe ukuze zidle.
Kungakho sikhuthaza abafuyi labalimi ukuba njengoba sebelungiselela ukulima ukuthi kababuthelele amahlanga abo kuhle bengawatshisi kodwa bagcinele izifuyo zabo,” kuphetha uMnu Munetsi.
Online Reporter