Mihingo yenzi

Mihingo inotiwa munzi minjinji kakale yaka siyana siyana. Imwe mihingo inotiwa nabo mme kene banhukadzi, imwe nabo tate kene balume, imwe inotiwa koga nemwe nemwe nhu panzi. Ndokwala nekwemihingo yakasiyana yakabhata nzi, inotiwa kudze butjilo gube gulelu, kakale nditjenesa kuti iyeyo mihingo inobhatsa tjini banhu banogala munzi, inotigwani kanyi, munzi weNkalanga.

Hoha
Minda inohohewa gole negole nemaswazwi kutila hhalila kusingine n’ombe nemhuka dzehango nelubaka gwelima. Botate banonotema maswazwi ana mhiwa kuhango, ndiwo abanohoha nawo bepoteledza minda yose kutila kuti kusibe netjinopfukila mukati.
Minda inohohewa kusanhu kwalimiwa.

Lima
Botate banomuka busikwana besunga n’ombe betangisa lima. Kolimiwa nelubaka gwevula, pasi kuli kunyolo. Kolimiwa nebhadza linobe likwebiwa nen’ombe kene bokakambe. Kolimiwa nen’ombe dzili dzili na dzina masimba dzitjayegwa kakale kuna nhu wakadzitungamila mbeli edzilakidza zila.
Banhu banjiji mutjiKalanga banolima kabili. Banotanga bahandula muminda hule kwe vula yekutanga bekopamha kakale ape vula yana kwazo.Nelubaka kusina vula kolimiwa ngadi nhukununu inobe idilidziwa nevula yetsime. Iyeyi ngadi inodzwagwa milibo nematamatisi kutigwa busebo kanyi. Bamwe banodzwala nemabhutata.

Hakula
Kuminda kohakugwa nemapadza anosengwa nemaboko, zwin’wango. Kobe kudusiwa dihwa lipedlo nemmela kuhakuligwa mavu mummela kudze ukule zwibuya. Bomme banobinduka benohakula.
Banohakula betobela mifolo inobe yabhayiwa nabotate kulimiwa.
Inopedzisiwa muviki inohha