admin
Abanye abantu abawathandi amakhekhe bathi aletshukela elinengi: Lokhu kungabangela imikhuhlane ethize emizimbeni yabo. Kulabo bantu abanye silakho okunye abanganathisa ngakho itiye lamanamunede abo ngakho.
La ngamaqebelengwana abizwa ngokuthi yizikonzi.
Yimihlobo emibili engizalandisa ngayo.
1. Izikonzi ezilula (Plain scones)
Okudingakalayo
– ingxenye yenkomitsho yetiye ifulawa engelambiliso
– ingxenye yenkomitsho uchago
– ukhezo lwetiye, iRoyal baking powder
– umganu wokuhlanganisela
– ipulanka lokuhlanganisela ngezandla
– igabha elichayekileyo lokubhekela (baking pan) lephepha lokwendlala
– isawudo ngesilinganiso sakho.
Ukupheka
– Sefa ifulawa, i-baking powder, uhlanganise lochago.
– Hlanganisa kube yinhlama ebuthakathaka.
– Thatha ipulanka uvuvuzele ifulawa.
– Thela inhlama phezu kwepulanka.
– Hlanganisa uxovaxova.
– Gcoba igabha lokubhekela ngamagcobo ubusuvuvuzela ifulawa.
– Quma iziqana zenhlama uzibeke kuphezulu kwe-pan yokubhekela.
– Gcoba iqanda elitshayiweyo phezu kwesikonzi ngasinye.
– Bheka ku-oveni etshisa okuyi 475 degrees okwemizuzu elitshumi kusiya kutshumi lambili (10-12 mins).
Inhlama le yenza amasinkonzi alitshumi lambili kuphela.
2. Izikonzi ezilesivuthi (rich scones)
Okudingakalayo
– inkomitsho ezimlili lengxenye zefulawa engelamvubelo
– inkezo zetiye ezimbili ze-baking powder
– inkezo zokudla ezimbili zetshukela
– iqanda elilodwa
– ingxenye yenkomitsho yetiye uchago
– umganu wokuhlanganisela
– upulanka lokuxovela
– ipan yoku bhakela
– i-oveni yokubhakela
– isawudo ngesilinganiso sakho.
Ukupheka
– Sefela ifulawa i-baking powder, itshukela lesawudo emganwini wokubhakela.
– Tshaya iqanda ubeke elincinyane lokugcoba lodwa.
– Thela ingxenye yeqanda ochagweni.
– Hlanganisa ifulawa lochago oluleqanda.
– Hlanganisa kube yinhlama elulana.
– Thatha ipulanka ulivuvuzele ifulawa.
– Thela inhlama phezu kwepulanka.
– Xova inhlama uphenduphendula ngeminwe.
– Yendlala inhlama kuleli pulanka.
– Yendlala iphepha ku-pan yokubhekela.
– Gcoba amafutha uvuvuzele ifulawa kuleliphepha.
– Quma iziqana zenhlama.
– Zifake iziqana lezi phezu kwephepha ku-pan yokubhakela.
– Gcoba iziqana lezi ngeqanda elitshaywe phezulu.
– Bheka ku-oven etshisa oku-475 degrees okwemizuzu elitshumi kusiya kutshumi lambili.
– Linda ukuba kuvuthwe.
– Nxa sekuvuthiwe kukhuphe ku-oveni.
– Yekela kupholaphole.
– Khathesi kukhiphe egabheni.
– Izikonzi zona zimnandi zisatshisa.
Nanzelela lokhu:
Nanku okunye ongakufaka nxa uhlanganisa ukuze izikonzi zakho zibe lesisindo njalo zibemnandi okulohlonzi:
Ingxenye yenkomitsho yetiye amafuruthu onyisiweyo awe sultanas kumbe i-raisings.
Ukudliwa
Nathisa ngetiye kumbe inamunede zona ngokwazo ziyasuthisa izikonzi njalo azilatshukela enengi.
Online Reporter