admin
Izulu liyana kulezinsuku kungakho-ke ngithe kule iviki sike sixoxe ngezitshebo eziba khona nxa izulu lisina.
Nanzi-ke izitshebo zesintu ongatsheba ngazo isitshwala: Ulude, idelele, ibhobola, imibhida yendumba, imbuya, cucuza, amakhomane.
1. Ulude
Okudingalayo
– ulude olumanzi olusanda kukhiwa
– imifutshwa yolude elingene imuli
– idobi
– ulaza, inkezo zokudla ezimbili
– amafutha okupheka (cooking oil)
– isawudo lebilebile letshizi
– ingqamu lophini
– amatamatisi ngokuthanda kwakho
Ukupheka — ulude
– gezisa ulude kuphele yonke inhlabathi
– nxa lungolumanzi luqobe kumbe ulusikelele uphinde ulugezise njalo
– lufake emanzini abilayo ulupheke okwamahola amane kumbe luze luvuthwe
– faka isawudo lebilebile kumbe i-pepper
-hathesi sekuyiso isikhathi sokuthi uduhele
– nanku ongaduhela ngakho amafutha okupheka (cooking oil ) ulaza (cream) idobi loba itshizi.
– Phakathi kwakho lokhu ukhetha kube kunye hatshi konke.
– Kanti bakhona abathanda lunjalo lungaduhelwanga ngaphandle kwebilebile lesawudo.
Isitshebo lesi sidliwa layisphi isitshwala nxa njalo kuyimifutshwa yolude layo ungayifaka konke lokhu esengikuqambile.
2. Imbuya
Okudingalayo
– imbuya emanzi esanda kukhiwa
– iquntiwe amahlamvu
– ulaza, amafutha
– idobi
– isawudo lebilebile letshizi
– amatamatisi ngokuthanda kwakho
Ukupheka
– Pheka njengoba upheke ulude kodwa imbuya ithatha imizuzu engaba litshumi ukuthi ivuthwe.
– Faka okunye kwalokho lesawudo obukufake kulude.
Ukudliwa
– Tshebisa loba yisiphi isitshwala.
3. Idelele lentanga
Izulu lingana idelele liyaziphumela, libonakala ngamahlamvu alithanga.
Ukupheka
– ligezise isibisibili ulifake eziko, lingathatha imizuzu elitshumi ukuthi livuthwe. Faka isawudo lebilebile
– Thatha ifologo ulitshaye lihlangane
– Lihlangahlanganise nxa ulikha liyanembuluka
– Liyabe selivuthiwe-ke, tshebisa isitshwala loba yisiphi ngaye usukuma silingane. Uyaminzisa, udinga isitshwala esinengi.
4. Ibhobola
Okudingakalayo
– imibhida yentanga, zamathanga
– amafutha okupheka
– ibilebile kumbe i-pepper lamatamatisi
– ulaza
– isawudo ledobi
– imbiza lophehlo
Ukupheka
– Gezisa imibhida uyiqobe.
– Hluba amatamatisi uwapheke.
– Pheka imizuzu elitshumi.
– Hlanganisa imibhida ngokuyitshaya ngophehlo.
– Faka okukodwa kwalokhu: ulaza, idobi kumbe amafutha okupheka ndawonye letshizi.
Nanzelela ukuthi ibhobola ungaliqoba ulichaye lome lingaphekwanga lokhu yikho ukuligcina libe ngumfushwa.
Online Reporter