adminYiNtatheli kaMthunywa
UBART Bratcher waseMelika, ongumqeqetshi womdlalo we-baseball, wethule umbiko wokuthi uzaphenduka emadolobheni elizwe eqhubeka ngohlelo lwakhe lokufundisa okhekhe umdlalo lo.
Umqeqetshi lo ukhangelelwe koBulawayo ngenyanga ezayo lapho abike ukuthi kuqakathekile ukuthi aqhube inhlelo zokufundisa okhekhe ukuze umdlalo lo ukhule.
Ebika ngohlelo lwakhe lokufundisa i-baseball kuzwekazi elikumhlubulo ongezansi yeAfrica, uBratcher uthe iZimbabwe uyibona ingeyinye yamazwe elethalenta elimangalisayo kuBaseball.
“Kuthatha isikhathi esingaba yiminyaka elitshumi ukuze uqeqetshe umdlali weBaseball aze abekwazi,” kutsho uBratcher kubulembu bakhe kuka-Twitter.
UBratcher useleminyaka engu-43 eqeqetsha iqembu le-American College High School njalo wabumba isikolo sakhe okuthiwa yeJet Baseball esifundisa umdlalo we-baseball.
Ubike njalo ukuthi ubudlelwano alabo lesizwe seZimbabwe buhle kakhulu njalo okhekhe abazaphumelela emdlalweni lo balakho ukuthi bacine sebefunda ngokugcweleyo esikolo sakhe seJet Baseball khona eMelika.
Online Reporter