Online Reporter
Ethel Ncube
ININA leGokwe elileminyaka engu-33 yokuzalwa okubikwa ukuthi lathatha igazi lomntwana oleminyaka elitshumi seligwetshwe ukuyapika iminyaka emibili.
Kubikwa uMavis Sibanda wathatha igazi lelo walifaka phakathi kwe-HIV testing kit.
UMavis othengisa duzane lesitolo seSai Mart eGokwe kubikwa wabiza umfundi okuGrade 5 wacela ukubona isandla sakhe andubana amhlabe ngenalithi.
Ngemva kwalokho wathatha igazi lakhe wafaka kuHIV testing kit. Umfundi lo wabikela amadoda amabili ahlangana lawo endleleni, ahamba laye ngakibo bafika babikela uyise.
Loba uMavis ecele ukuthi inkundla imzwele ngoba elabantwana abadinga ukunakekelwa umantshi womthethwandaba weGokwe unqume ukuthi ayepika inyanga ezingu-24.
Engakamiswa emthethwandaba isikhulumi samapholisa eMidlands uInspector Emmanuel Mahoko uqinisekisile ngokubotshwa kwenina leli.
“Amapholisa abophe inina elileminyaka engu-33 eletheswa icala lokuthatha igazi lomntwana oleminyaka elitshumi.
“Isehlakalo lesi senzakale mhlaka 26 Nkwenkwezi ngehola letshumi ekuseni.”
