admin
UMAQHUZU wePremier Soccer League (PSL) uKennedy Ndebele uthe amaqembu enguqu akumelanga alahle ithawulo ngokumiswa kwemidlalo ngoba kungenzeka ukuthi aphenduke enkundleni aqedise imidlalo eseleyo kumqhudelwano weChibuku Super.
UNdebele ukhulume kanje egcizelela ukuba inhlanganiso ephethe iligi ephakemeyo elizweni ilethemba lokuba inguqu izanikezwa imvumo yokuqhubeka ngokuphangisa.
Umdlalo wenguqu wamiswa kulandela ukwanda kwenani labantu elibanjwa ligcikwane leCovid-19.
Ekhuluma lephephandaba likazulu ngoMgqibelo ekuseni, uNdebele uthe okuqakathekileyo okwamanje yikuthi amaqembu alandele isinqumo sikaHulumende.
“Silandela lokhu okuphawulwe nguHulumende, kodwa sihlezi silethemba lokuthi sizathola imvumo yokuqedisa iChibuku Super Cup,” nguNdebele lo.
“Ukuvikela abadlali bethu kubalulekile.”
@NkosieLegend
Online Reporter