admin
Wayne Ncube
ABALIMI bonke jikelele bakhuthazwa ukuba bathengise ihanyanisi abayilimileyo ngoba elomkambo omkhulu ngesikhathi lesi.
Ukuvinjwa kukazulu ezindlini ngenhloso yokuvikela ukumemetheka kwegcikwane le-corona sekwenze kwavuleka imkambo yehanyanisi layo esidula.
Ekhuluma lentatheli uNkosazana Precious Magigwana olomkambo koBulawayo ubike ukuba ihanyanisi kayisatholakali njengensukwini.
“Ihanyanisi isidula khathesi njalo lapho abantu abayibona khona kabayithathi mango ngesikhatshana nje iyabe isithengwe yaphela.
“Kungakho lami njengomthengisi ngithanda ukukhuthaza abalimi ukuba balime ihanyanisi ngoba indingeko yayo isinkulu emkambo,” kuchaza uNkszn Magigwana.
Uzulu wakoBulawayo ikakhulu uzithole eswela ihanyanisi emkambo kukanti lapho ayithola khona iyabe idula.
Intatheli kaMthunywa ikhulumisane labomama abathengisa emkambo elokitshini leMganwini kanye le Nketa lapho abaveze ukuba ihanyanisi sokulesikhathi bacina ukuyithengisa.
UNkosazana Nancy Sibanda omunye walaba omama uthe ihanyanisi lezinsuku inlutshwana.
“Ihanyanisi kulezinsuku kangisandisanga ukuba layo ngoba lemakethe lakho iyasilela,” kutsho uNkszn Sibanda.
Online Reporter