UBAnjwa inkunzi, adlengulwe, abulawe. . . Inina (21) libanjwa inkunzi, lidlwengulwe libulawe

YiNtatheli kaMthunywa

KULAMADODA amabili abotshwe ngamapholisa esigabeni seZezani, eMatabeleland South ngemva kokubamba inina elileminyaka engu-21 inkunzi, andubana balidlwengule babuye balibulale.

Ababili laba batshontshela inina leli umakhalekhukhwini andubana batshintshane ukulidlwengula.

Ngemva kwalokho baligwaza ngengqamu umzimba wonke basebesiyafihla isidumbu egangeni.

Isikhulumi samapholisa elizweni uCommissioner Paul Nyathi uthe:

“Amapholisa eZezani eMatabeleland South athola udletshana abopha uQuinton Sibanda oleminyaka engu-18 kunye loKamuelo Moyo oleminyaka engu-20, abathinteka kucala lokubulala elenzakala egangeni eliseduzane lesiqinti seDombilidenje.

“Abetheswacala bahlasela umamangala uMarvelous Tlou oleminyaka engu-21, andubana bamtshontshele umakhalekhukhwini. Basebetshintshana ukumdlwengula andubana bamkhame babuye bamgwaze ngengqamu umzimba wonke.

Sebenze njalo bathatha isidumbu bayasifihla egangeni. Ekubotshweni kwabo amapholisa enelise ukuthola umakhalekhukhwini kunye lengqamu.”