admin
Ethel Ncube
KULENDODA yakoBulawayo esele izisola ngokucela uncedo lokuvuselwa imota kwenye indoda ecine ibaleka lemota yakhe.
Indaba le yenzakale ngeviki ephelileyo lapho umetheswacala uSindiso Mlotshwa oleminyaka engu-44 yokuzalwa abotshwe eNkayi lemota ayitshontshe koBulawayo.
Kubikwa ukuba umamangala wafelwa yimota esemgwaqweni koBulawayo kwathutsha umetheswacala wathi yena uzamncedisa ukuyivusa yena afuqe. Umetheswacala wangena emoteni umnikazi wayifuqa ithe ivuka wahle wadla phansi umnikazi wasala emile ethi umuntu uyaphenduka kuthe ngemva kwesikhathi wabona nya wasefonela umkakhe wabuya wazomthatha bayabikela amapholisa wona ahle aqala ukuchwayisisa.
Amapholisa athola udletshana lokuthi umetheswacala useseNkayi wasebotshwa ngamapholisa akhonale.
Imota le kubikwa ibibiza US$2 500.
UMthunywa uxhumane lesikhulumi samapholisa koBulawayo ulnspector Abednico Ncube oveze ukuthi kubotshwe indoda eyatshontsha imota izenza encedisa umnikazi wemota.
“Sikhuthaza uzulu ukuthi nxa engehlelwa luhlupho lwemota angaze athemba izihambi ngoba kungenzeka zibe zingamasela,” kuphetha ulnsp Ncube.
Online Reporter