admin
UMCULI oyisizalwane sakuleli uBerita useveze ukuthi ingxenye yemali azayithola ngengoma yakhe entsha ayikhiphe kweleSouth Africa ngeviki ephelileyo ethi Ungandibulali, uzayisa esikhwameni sezinhlanganiso ezilwa lokuhlukunyezwa kwabesifazane.
Lingoma ayenze ngokuhlanganyela leNdlovu Youth Choir, iqale ukuzwakala ekuseni ezitetshini ezehlukeneyo zeSABC.
Ukhiphe lingoma ngempelaviki, kuqala umkhankaso wezinsuku ezingu-16, zokulwa lokuhlukunyezwa kwabesifazane lezingane.
“Ngingomunye wabalwa lokuhlukunyezwa kwabesifazane lezingane. Ngikhethe ukusebenza laleli qembu lomculo lentsha ukuze sidlulise umlayezo lo lonyaka.
Njengoba lumkhankaso usuqalile lami ngale ingoma ngithi ngidlulisela izwi lami lomyalezo wami ngalesi silo esesisihlasele kangaka kuleli.
Kulumkhakhaso angihambi ngedwa njengoba sihlangene leSABC Radio, ngaphansi komkhankaso othi: “Don’t turn a blind eye” lalapho besebenzisa lingoma nxa behamba bekhuza loludubo,” kuchaza uBerita.
Uthe lesitebele angaphansi kwaso i-Assali Music sibe lesivumelwano sokusebenzisa lingoma kulu mkhankaso.
“Manje sithi akuphele lokhu okwenzakala kuleli, abavikelwe abantu besifazane. Ngiyethemba le ingoma izowudlulisa umlayezo ozafika uhlale ezinhliziyweni zabantu abehlukeneyo. Kungumsebenzi wakhe wonke umuntu ukuvikela izingane labesifazane.
Ukuhlukunyezwa kwabo kucekela phansi izinto ezinengi ezinhle kuleli, ngakho asilweni lakho singalingi sikuvumele. Kubo bonke abesifazane asebeke babhekana lokuhlukunyezwa kwaloba yiluphi uhlobo sibafisela ukusila masinyane,” kuchaza uBerita.
Online Reporter