admin
SOUTH AFRICA — Abahlabeleli abalodumu eGoli uBlack Coffee kanye loCassper Nyovest sebekhethwe ukuphatheka ukuncintisa kusicoco seBest African Act kuMTV EMAs kuwonalo umnyaka. Abanye asebeke bakhethwa ukuphatheka kumkhosi lo nguOlamide loWizkid abasuka eNigeria loAlikiba ovela eTanzania.
Umabonakude weMTV EMA uzabe ubonisa okwenzakayo kuChannel 130 lakuMTV Base (DStv channel 322) ngeSonto mhlaka 6 Lwezi eAhoy, Rotterdam eseNetherlands.
UAlex Okosi ongumsekeli njalo umkhokheli weViacom International Media Networks Africa uthe kuyabukeka ukubona ingcitshi zeAfrica zikhethwa lengcitshi ezivela kwamanye amazwe ezigoqela uRihanna, Beyonce, Drake, labanye abanengi. kuMTV. Kolunye uhlangothi uBeyonce loJustin Bieber bakhethwe kahlanu.
UAdele ulandele ngokukhethwa kane esekelana leBest Rock Coldplay iBest News Act eloLukas Graham leBest Male uShawn Mendes. uRihanna loDrake bakhethwe kathathu okugoqela iBest Song.
Ingoma kaAdele ethi Hello lekaJustin Bieber ethi Sorry ekaLukas Graham ethi 7 Years lekaMike Posner ethi I Took A Pill In Ibiza lalazo zikhethiwe kweziphezulu.
Online Reporter