Ubotshelwe ukuzama ukuthengisa amacimbi atshontshiweyo

YINtatheli kaMthunywa

KULENDODA yeBeitbridge ebotshelwe ukuzama ukuthengisa amacimbi okusolwa ukuthi yawatshontsha kwenye indlu elokitshini leNew Alpha Suburb.

UCollin Mupanduki (40) ubotshwe ngoLwesithathu mhlaka 1 Ntulikazi ngemva kokuba amapholisa emthole ezama ukuthengisa amabhele amahlanu amacimbi atshontshiweyo.

Ngokutsho kwamapholisa eZimbabwe Republic Police (ZRP), ngesikhathi kugqekezwa kwatshontshwa imali engange R1 600 lamabhele amahlanu amacimbi.

Uphenyo lwamapholisa lwakhokhela ekubotshweni kukaMupanduki ngesikhathi esezama ukuthengisa amacimbi lawo.

Amacimbi wonke ayetshontshiwe atholakala.

Kwabuye kwatholakala izikhali ezigoqela ibhemba, insimbi lokunye okwasetshenziswa ngesikhathi kugqekezwa.

UMupanduki ukhangelelwe ukumiswa phambi komthethwandaba ebhekane lecala lokutshontsha.

Amapholisa anxuse uzulu ukuthi aqhubeke ebika ngezehlakalo zobugebengu ukuze abasolwa babanjwe njalo impahla etshontshiweyo itholakale.

facebookShare on Facebook
TwitterPost on X
FollowFollow us
PinterestSave

Related Posts

I-ZACC ihlola amacala obugwelegwele angu-517, kubotshwe abangu-90
I-ZACC ihlola amacala obugwelegwele angu-517, kubotshwe abangu-90

Nkosilathi Sibanda IKHOMISHINI yeZimbabwe Anti-Corruption Commission (ZACC) yamukele imbiko engu-517 yobugwelegwele elizweni lonke phakathi kukaZibandlela kusiya kuNcwabakazi lonyaka, njalo isabelo seHarare yiso esilamacala amanengi. Kusitatimende esikhitshwe nguMgcinisihlalo we-ZACC uMnumzana Michael…

Continue reading
Ukunonisa inkomo zenyama zingakathengiswa
Ukunonisa inkomo zenyama zingakathengiswa

YiNtatheli kaMthunywa NGENXA yokuba umkambo wenyama umkhulu kuleli kuqakathekile ukuthi abalimi abakubhizimusi yokufuya lokuthengisa inkomo zenyama babe lolwazi lokunonisa inkomo zabo ukuze benelise ukubona ukuba labo abafuna inyama bayayithola. Ekhuluma…

Continue reading

Leave a Reply

Your email address will not be published. Required fields are marked *

×