admin
KULINDELEKE ukuthi avele emthethwandaba kamantshi wePinetown lamuhla (ngoLwesine) ngecala lokubulala, owesifazane okuthiwa ugwaze indoda yafa ngoba ethi imdlwengulile eTshelimnyama, eMariannhill khonale eSouth Africa.
Umsolwa (25) ubotshwe ngoMvulo ntambama ngemva kokuba esinye isihlobo sakhe sibikele amapholisa ngalesisehlakalo.
Iphephandaba leSolezwe lithole ukuthi ngoMgqibelo ebusuku lo wesifazane okuthiwa uthandana labobulili obufana lobakhe, ubenatha utshwala lamadoda njalo lo osengumuyi obebizwa ngelokuthi Lindokuhle “Otto” Gumede (32) ubekhona.
Kuthiwa ulale endlini kaGumede ubusuku bonke wavuka ngeSonto ekuseni okuthe uma eziphathaphatha wasola ukuthi udlwenguliwe.
“Uvuke wahamba endlini kamufi kanti uzophinde abuye aluvuse udaba lokudlwengulwa kwakhe. Ube esedonsa ingqamu wagwaza umufi entanyeni watshona ngemva kwesikhatshana,” kutsho umthombo.
Umthombo uveze ukuthi uGumede ulandise abelabo ngokwenzakeleyo ngaphambi kokuthi atshone.
Ethintwa uNkszn Zamekile Gumede (35), udadewabo kamufi, uthe kusabethusa lakhathesi okubehleleyo nanko phela bebethakazelela usuku lwakhe (Nksz Gumede) lokuzalwa ngoMgqibelo.
Uthe umfowabo ubezumekile endlini yakhe engaphandle esihlalweni abehlezi kuso.
“Besihleli singumdeni endlini enkulu kodwa sizwe ngezingane sezimemeza zithi umalume wazo uselimele. Ngemva kokuzwa esikutshelwe yizingane, siphuthume endlini yomfowethu, samfica elimele kanzima entanyeni kuntshaza igazi,” kutsho uNksz Gumede.
Uthe umfowabo ubesaphila ngaleso sikhathi, wabatshela ukuthi ugwazwe ngubani. Uthi akasazange achaze imbangela yokugwazwa kwakhe nanko phela uhle watshona.
“Ingqamu agwazwe ngayo asiyificanga kodwa kuvela ukuthi umsolwa uwulahle emfuleni uMhlathuzana. Lingqamu isikhonjwa ngomunye wabalisa abebezwana kakhulu lomsolwa lokuvele ukuthi wayekhona kuhlelwa ukuthi umfowabo abulawe,” kuchaza uNkszn Gumede.
Echaza ngokubotshwa kukamsolwa, uthe ubanjwe ngoMvulo ethi uqoqa zonke impahla zakhe kibo kanti isihlobo sakhe besesibize amapholisa siwazisa ngokuzama kwakhe ukubaleka endaweni.
Okhulumela amapholisa eKwaZulu-Natal, uCaptain Nqobile Gwala, ukuqinisekisile ukuvulwa kwecala lokubulala esitetshini samapholisa seMariannhill.
UCapt Gwala uthe kuvulwe icala lokubulala.-Isolezwe
Online Reporter