Nkosilathi Sibanda
IQEMBU lenguqu leScottland kubikwa lifuna ukuqhatsha umqeqetshi omutsha phakathi kuka-Aristica Cioaba, okuDynamos kumbe uMichael Nees, owake waqeqetsha iqembu lamaWarriors.
Lokhu kuvele ngemva kokuba kuphume imbiko yokuthi uNorman Mapeza usesuswa esikhundleni.
UCioaba, ngokutsho kwabasiki bebunda, nguye ohamba phambili kulabo abaqanjwe ukuthi bathathe umsebenzi wokuqeqetsha intshantshu zeligi yeCastle Lager Premier Soccer League.
Kusenjalo, kuthiwa uPeter Ndlovu, ongumaneja kuScottland, anganikwa umsebenzi wokukhokhela iqembu okwesikhatshana kuze kuphele isizini.
Kukhangelelwe ukuthi umqeqetshi ozathatha umsebenzi ngokugcweleyo kakaziwa kusalungiselelwa isizini ezayo.
