Online Reporter
Ethel Ncube
KULENDODA yeOld Lobengula koBulawayo elevidiyo eyake yasabalala kunkundla zokuxhumana ihlutshwa lunyawo esidinga usizo lokuba ithole ama-crutches okuhamba kunye lemali yesibhedlela nanko phela unyawo lwayo lwacina luqunywa.
UBonani Sibanda kubikwa kwatholakala ukuthi ulemvukuzane okwenza odokotela bamquma unyawo lwakhona osokusenza kudingakale ama-crutches okumsiza ukuthi ahambe kanye le-artificial leg.
Ekhuluma lentatheli uNokuthula Ndlovu oyisihlobo sakhe uthe uBonani sowaqunywa unyawo njalo sokudingakala okuthize okuzamsiza.
“UBonani sowathola usizo, unyawo bathi lulemvukuzane njalo yayisimdlile kakhulu lwacina luqunywa. Okwakhathesi sidinga ukuncediswa ngama-crutches ukuze enelise ukuba ahambe. Okunye esikuswelayo yimali yokuthenga i-artificial leg ukuthi nxa esepholile athole laye ukuzihambela. Okwakhathesi kumele abuyele esibhedlela ukuze ayekhangelwa ukuba usila njani,” kubika uNokuthula.
Uqhubekele phambili ebika ukuba uthanda ukubonga abaphathisa isihlobo sakhe.
“Njengemuli sithanda ukubonga bonke abelula isandla sabo bephathisa uBonani, lizizwe libongekile lonke. UBonani uzabuyela esibhedlela. Bathi kuzafuneka ukuba enziwe i-chemotherapy, imali yakhona udokotela uthe uzakutsho esembonile ukuthi kufunakala malini. Kudingakala lokudla, abangancedisa langokudla singabonga kakhulu. Abafisa ukusithinta bengasithola kulezi inombolo 0772407273,” kuphetha uNokuthula.
