admin
Johas Moyo
KULOJAHA oleminyaka engu-17 weFinakatenge eBinga omiswe phambi komthethwandaba wakule indawo kuviki ephelileyo esetheswa icala lokubhinya imbuzi esontweni okubangele ukuthi ife.
Inkundla izwe ukuthi umsolwa ovela eSiabuwa eBinga wabanjwa xhaka nguRashmon Mundanga mhlaka 24 Ncwabakazi nyakenye ebhinya imbuzi elebele eyibophele njalo eyivale umlomo esontweni okwabangela ukuthi ife.
Umtshutshisi walelicala uMnumzana Bruce Maphosa ubikele inkundla ukuthi umsolwa esekhandwe nguMundanga wethuka wekela imbuzi le lanxa yahle yafela kuleso sakhiwo.
Umsolwa ubuye wabulala inkundla ngembambo esezama ukucatsha ngomunwe kulelicala esithi kazenzi kulemimoya eyamfuqayo ukwenza icala leli yikho nje wake wahlaselwa ngumkhuhlane wengqondo ngomnyaka ka2012.
Umsolwa ebuzwa ngumantshi uNkosikazi Ailene Munamati ukuthi kungani wenza lelihlazo intombi zigcwele uthe ulomnyama ngoba bonke abakhombisayo kabamkhombi njalo ngesikhathi ekhulelwa yimizwa imbuzi yiyo eyayiseduzane ukuthi asuthise imizwa yakhe.
Umantshi ukhuze umsolwa ngoba iminyaka yakhe ingaphansi kwengu-18 njalo ngoba efunda uFomu 3.
Online Reporter