admin
YiNtatheli kaMthunywa
KULESALUKAZI selokitshini leMpopoma koBulawayo esidonsele umakhelwane waso emthethwandaba weWestern Commonage simethesa icala lokumgcona ngobuthakathi kanye lokumhlukuluza.
Umamangala uNkosazana Gladah Ndlovu udonsele umakhelwane wakhe uChanaka Dhliwayo emthethwandaba ngoba ehlala emthethisa emgcona ngobuthakathi athi sokubangele ukuba angakhululeki esigabeni.
Umamangala uveze ukuba uDhliwayo kafuni ukuthi abantwabakhe bakhuzwe okwenza athi engabatshaya nxa bephambanisile uDhliwayo ubuya engasadlanga nkotshana endlini yakhe afike amthethise kwezinye izikhathi aze amtshaye amkhuphe leqhiye.
“Nkosi, uChanaka uhamba esithi ngingumthakathi emphakathini njalo lokhu sokungehlise isithunzi emphakathini.
“Uphinda ahambe etshela omakhelwane ukuthi yimi engabulala unina njalo ngingambulala laye njengoba ngingumthakathi. Watshela umzukulu wami ukuba ulamehlo omthakathi,” nguNdlovu lowo.
Ngemva kokulalelisisa lelicala uMnumzana Urgent Mvundla utshele uNkszn Dhliwayo ukuba ayekele umkhuba wakhe wokutshaya lokuthethisa uNkszn Ndlovu.
Online Reporter