Ugwetshwe iminyaka 9 owatshontsha inkomo

Ethel Ncube

ITSHONELWE lilanga enye indoda yeSelonga eGwanda kulandela ukugwetshelwa ukuyapika iminyaka eyisificamunwe munye ejele ngemva kokutholakala ilecala lokutshontsha inkomo.

UKelvin Sebata oleminyaka engu-39 yokuzalwa kunye loDarlington Sebata labante ababili abangakabanjwa kubikwa batshontsha inkomo kaJohn Moyo oleminyaka engu-73 yokuzalwa.

Umtshutshisi uNkosazana Rejoice Mlilo ubikele inkundla ukuthi umsolwa labanye bakhe ngemva kokutshontsha inkomo leyo bahamba bayayihlinza.

Uthe uKelvin labanye bakhe batshontsha inkomo le eCollen Bawn kodwa baficwa ngamapholisa egangeni ebusuku beyihlinza babaleka batshiya inyama egangeni.

Kubikwa amapholisa athola udletshana lokuba uKelvin usehlala eGwanda edolobheni bamlanda endlini wahle wabotshwa kuyonale inyanga.

Abanye ababili ayelabo lokhe bengakabotshwa.

Umantshi uProgress uMurandu uqume ukuthi umsolwa ayepika iminyaka engu-9 ejele.

facebookShare on Facebook
TwitterPost on X
FollowFollow us
PinterestSave

Related Posts

UMongameli uMnangagwa uqeqetsha abafundi beNUST abangu-2 570
UMongameli uMnangagwa uqeqetsha abafundi beNUST abangu-2 570

Yintatheli kaMthunywa KUME konke koBulawayo, kwaba yinjabulo mgoLwesihlanu kuqhutshwa umbuthano wokwetheswa kwezicoco zemfundo kubafundi beyunivesithi ye-National University of Science and Technology. Abafundi abangu-2 570 baphiwe incwadi zabo zokuqeda izifundo nguMongameli…

Continue reading
Iminyaka emithathu ejele, bezama ukubulala isisebenzi
Iminyaka emithathu ejele, bezama ukubulala isisebenzi

  Nkosilathi Sibanda KULAMADODA amabili akoBulawayo agwetshelwe ukuyahlala ejele iminyaka emithathu kulandela ukuzama ukubulala enye indoda abasebenza layo. Lokhu kuvele ngesikhathi uNjabulo Mpofu (31) owelokitshini leMabuthweni lo Clinton Mlilo (27)…

Continue reading

Leave a Reply

Your email address will not be published. Required fields are marked *