admin
YiNtatheli kaMthunywa
UMDLALI wasesiswini weKaizer Chiefs, uWillard Katsande, uthi bafuna ukunqoba imidlalo yabo ebasalele ku-Absa Premiership ukuze bakwazi ukuthi bazibekisela indawo kuCaf Champions League ngomnyaka ozayo.
UKatsande utsho lokhu ngemuva kokuthi ekhethwe waba umdlali odlale kuhle emcimbini obuqoqwe yinhlanganiso yePremier Soccer League (PSL) ngesonto eledluleyo.
“Kusekhona esizazokudlalela ngoba sifuna ukuthola indawo kuChampions League ngomnyaka ozayo.
Siyakujabulela ukudlala kulu mqhudelwano njengabadlali beChiefs,” kutsho uKatsande.
Amakhosi kubukeka sekuphelile ngawo embangweni wesicoco seligi asinqobe ngesizini edluleyo. Leli qembu liyibambe endaweni yesine ku-logu ngemklomelo engu-39 emidlalweni engu-23.
Amakhosi asele ngamaphuzu angu-13 kuBafana Ba Style abahlezi esiqongweni. Ahlulwe yiMTN 8, Telkom Knockout, Nedbank Cup aphinde aphuma ekuseni kuChampions League.
Njengabanye abadlali beChiefs labaphathi bayo uKatsande uthe ucele abalandeli babekezelele umqeqetshi wakhe uSteve “Mphathi” Komphela njengoba izinto zingabahambeli kahle okwamanje.
“Siyayivuma eyolaka lwabalandeli beqembu. Kufanele ngoba bakhipha imali yabo abayithola kanzima bahambe bayosibukela sidlala. Kodwa kungabakuhle nxa singabambelela kulumqeqetshi esilaye. Izinto ezinjengalezi ziyenzeka lakubaqeqetshi abakhulu emhlabeni. Uzosiguqula isimo esikuso njengamanje ngokuhamba kwesikhathi,” kutsho uKatsande.
Uthe uyasisekela isinqumo sokuthi usihlalo weqembu uKaizer Motaung aphumele obala ngomqeqetshi weqembu.
“Lathi siyamsekela ngokuphelele umqeqetshi. Yinto enhle lathi esikhuthazayo le ekhulunywa ngusihlalo weqembu,” kutsho uKatsande.
Uvumile ukuthi izinto kazihambi kahle wathi kodwa zizolunga ngokuhamba kwesikhathi.
“Abaqeqeshi bazosilungisa isimo esikusona njengamanje bese siyabuyela lapho ebesikhona kudala, sinqobe imidlalo yethu. Lathi kodwa njengabadlali kufanele sizinuke amakhwapha, sizame ukuphakamisa amasokisi.”
IChiefs kuzomele inyuse izinga njengokusho kukaKatsande uma isidlala neMpumalanga Black Aces koweligi kusasa ngo-7.30 ebusuku eMbombela Stadium.
IChiefs yagcina ukunqoba umdlalo ngoFebhuwari 20 ishaya iSuperSport United ngo 2-1 koweligi. Ngemuva kwalokho ihluleke wukunqoba imidlalo emithathu yeligi ihlulwa yiPlatinum Stars leJomo Cosmos egcine ukudlala nayo kuligi, yabanjwa yiPolokwane City.
Kulona leli lifu lokungawini Amakhosi awashiswe ijezi abakhaya i-Orlando Pirates kuLast 32 yeNedbank Cup yaphinde yakhitshwa kuCaf Champions League yi-Asec Mimosa yase-Ivory Coast.
Online Reporter