Ukhanda abulale ugogo ngamatshe ‘owambulalela abazali’

The shocking incident has left the Mukanwa Village community reeling

Richard Mahanzu, 30, of Ushewokunze, died on arrival at hospital.

Ethel Ncube

KULENDODA yeNyamandlovu ngaphansi kwenduna uDeli ekhande ugogo wayo ngezitina ekhanda imethesa icala lokubulala abazali bayo.

Imbedumehlwana le, yenzakale ngoLwesibili ngeviki ephelileyo lapho umetheswacala uBhekimpilo Ncube oleminyaka engu-35 yokuzalwa akhande ugogo wakhe uIdah Ncube (89) ngamatshe waze wafa.

Kubikwa uBhekimpilo loIdah babehlezi bonke ntambama andubana umetheswacala abuze ugogo ukuthi abazali bakhe babulawa yini waphendula esithi bafa ngokwendalo kodwa lokho akuzange kumsuthise wathukuthela wagana unwabu.

Umetheswacala wadonsela ugogo wakhe phambi komuzi wakhe andubana adobhe izitina aqale ukumkhanda ngazo ekhanda waze wedlula emhlabeni.

Amapholisa atshayelwa ucingo, isidumbu sathwalelwa esibhedlela se-United Bulawayo Hospitals (UBH) koBulawayo lapho okuzahlolwa khona imbangela yokufa kwakhe.

Umetheswacala usesezandleni zamapholisa.

Intatheli ixhumane lesikhulumi samapholisa esabelweni seMatabeleland North uInspector Glory Banda obike ukuba indaba le isachwayisiswa ngamapholisa.

“Umetheswacala ubotshiwe usezandleni zamapholisa. Sicela abantu bengafaki umthetho ezandleni zabo nxa bengazwisisani lezihlobo, omakhelwane kumbe omkabo.

“Ukwenza ubudlwangudlwangu kubangela ukuthi isigilamkhuba sibotshwe sitshiye imuli labantwana basale bedubeka,” kubika uInsp Banda.