admin
Ophezulu Stinta
SINGENA kusahluko sethu sesihlanu esile lesihloko esithi, Olomlandu ngubani. Kutsho lapha sikhangelele ukuhlangana lamaphutha athile kubalingiswa abatshiyeneyo okwenza kuvuke umbuzo lo oyindlela yokudingisisa ukuthi pho iphutha lingaphi kubani njalo.
Singena emzini kaMsipha lapho amakhosikazi akhe adlephana khona kwavuka uthuli. Laye ke njengendoda uyananzelela ukuthi kukhona okungahambi kuhle phakathi komuzi wakhe okumenza akhalimele uMaNkala ngendlela emangalisayo ngokuphazima kwelihlo nje wahle wathi kaqoqe konke okungokwakhe akhangele indlela yakibo mhlawumbe bona bangenelisa ukumkhuza bamlaye njalo ngokukhangelelweyo.
Umuntu othwala ikhanda uyabiselwa kibo, ayelaywa kutsha, nxa umuntu esebiselwa kibo kulapho okuthi dlwe khona kuye ngoba phela uyabe esembese umuzi wangakibo ngehlazo wawululaza wabaveza njengabantu abehluleka ukulaya kanye lokukhulisa umntwana ngemfanelo, ngendlela yobuntu, eyakhayo kodwa nxa umdeni susembulwa ngendlela uMaNkala enza ngayo kuba yindaba egudwini sibili, labesigabeni labo bathwala amehlo ukuthi ngumuzi onjani lo.
Siyananzelela ukuthi ukubona kwabantu kuyatshiyana umqondo utshintshe njalo ngokubona izinto, nangu uMaNkala sengoqala ukusola umuzi wakoMsipha sekungathi yiwo omthume ukuthi abelihlonga ndlebe.
Sebesendleleni yakoNkala sinanzelela ukuthi uMaNkala uyazibika kugogo uDungeni, ukuthi yena wayeselenyanga ezine ekhulelwe pho wayeza wuthini umthwalo lo. Isalukazi senkosi laso samduduza ngelithi mhlawumbe umkakhe wayezabhodla ambuyise futhi.
Online Reporter