admin
Ngeviki edluleyo sitshiye uSolakele ebuye njalo wenza inkalakatha yephutha wemukela imphahla evela kuMlahlwa yena evele esesemendweni.
Sinanzelela njalo indelelo enkulu eqhubeka kuMlahlwa kanye labangane bakhe, kambe nxa ethuma umngane wakhe uSayini ukuthi ayedelela umuzi wakoNyathi engenele umfazi wenye indoda.
USayini lo ufika ezenza ozonceda uSolakele bona nje kuyibuqili babo loMlahlwa, osekuvalelwa uSolakele ekhoneni.
Singena isahluko sesikhombisa. Sihlangana loSolakele esehambe wayahlangana loMlahlwa enkunini, njengokuthembisa kwakhe kuSayini, uMlahlwa simbona esengovungamela uSonile ingane eyayibuye loSolakele, kambe yayizafika isithini ngekhaya isiphenduka yodwa uSolakele esele enkunini, khona ingane izathi imtshiye lobani.
Sinanzelela ukuthi uSolakele ngobuwula benhliziyo lengqondo wayezitshele ukuthi wayesiyaqeda indaba yakhe loMlahlwa, engananzeleli ukuthi wayesezidonsela amanzi ngomsebe, ukuvuma nje ukuyahlangana loMlahlwa kwakuliphutha elikhulu kakhulu.
Kukulesi isahluko esifunda khona ngesifungo sikaSolakele asenza kuMlahlwa lapho afunga khona wagomela ukuthi loba sekutheni, abazali bakhe betshinga njani wayengasoze ehlukane loMlahlwa wayezakweqa laye ahambe eGoli.
Umbuzo omkhulu ukuthi ngemva kwamazwi angaka pho wasebuya njalo ethatheka loNyembezi kwasekuhambe njani.
Online Reporter