admin
AKULANDAWO ephandle ephephileyo nxa kulombane kungakho ke kuhle uphange ungene endlini! Ungezwa umdumo wezulu kutsho ukuthi umbane ungakutshaya. Ungawuzwa lumdumo, phangisa udinge indawo ephephileyo ongacatsha kiyo: kungaba yisakhiwo esilamagetsi kumbe impompi zamanzi kumbe ungene emoteni evalwe amafasitela. Hlala endaweni le ephephileyo okwemizuzu engu-30 ngemva kokuzwa umdumo wezulu wokucina.
Nxa uphakathi endlini
Ungabambi ucingo lwendlini olulentambo, amakhompuyutha kanye lokunye okusebenzisa amagetsi. Omakhalekhukhwini baphephile ukuthi ubasebenzise.
Ungagezi kumbe ukugezisa imiganu ngoba umbane uhamba phakathi kwempompi zamanzi.
Ungabambi impompi zamanzi, amabathtub kanye lamasinki. Ungasondeli kumafasitela kanye leminyango.
Ungalali phansi esamendeni njalo ungeyami imiduli.
Ungazivikela njani izulu lingakuthola uphandle
Izulu lingakuthola uphandle njalo kungela lapho ongacatsha khona ungenza okulandrelayo ukuze wehlise ubungozi:
Suka endaweni eziqansilewyo ezifana lentaba.
Ungalali phansi
Ungacatshi ngaphansi kwesihlahla esisodwa endaweni
Phangisa usuke eduze lamachibi kanye lezinye indawo ezilamanzi.
Ungasondeli lapho okulocingo, intambo zamagetsi kanye lama-windmill. -Ubulembu
Online Reporter