Ulimele u-Ariel Sibanda

Zimpapers Sports Hub

UNOZINTI weHighlanders u-Ariel Sibanda kubikwa ulimele ngakho kasoke abekhona kuqembu elizadlala leFC Platinum kumdlalo weCastle Lager Premiership ngeSonto.

Lokhu kuvezwe ngumqeqetshi uKelvin Kaindu ngoLwesine ekuseni, ngesikhathi ekhuluma lentatheli ngamalungiselelo omdlalo lo.

UKaindu uthe uSibanda walimala kumalanga adluleyo, okwenze ukuthi angabi khona kulumdlalo.
“Ulimele njalo uzabe engekho ngeSonto. Ubengalolongi leqembu,” kutsho uKaindu.

Uthe kulabadlali njalo abasiyikhombisa abalimele kumahlandla okulolonga, kodwa ulethemba lokuthi bazasila kusiya fika impelaviki.

Kusenjalo, imvimbi yeqembu u-Andrew Mbeba usephendukile eqenjini. UKaindu uthe umdlali lo wayekhona ehlelweni lwakhe kumdlalo lapho iBosso eyanqoba khona iYadah Stars 2-0, enkundleni yeHeart Stadium.

Ukuphenduka kukaMbeba kukhangelelwe ukuthi kuqinise iqembu, nanko lidibana lethimu ehlala ibuya eBarbourfields iqinile.

 

facebookShare on Facebook
TwitterPost on X
FollowFollow us
PinterestSave

Related Posts

I-ZIFA ikhala ngokwedlula emhlabeni kwabakhokheli beHighlanders
I-ZIFA ikhala ngokwedlula emhlabeni kwabakhokheli beHighlanders

YiNtatheli kaMthunywa INHLANGANISO yenguqu yakuleli, iZimbabwe Football Association (ZIFA), isiyethule amazwi enduduzo kulandela ukwedlula emhlabeni kwabakhokheli beqembu leHighlanders abathi umgcinisihlalo uKenneth Mhlophe, umsekeli wakhe uFiso Siziba lomgcinisikhwama uNkani Khoza. Ukwedlula…

Continue reading
Iyezi elimnyama kuHighlanders
Iyezi elimnyama kuHighlanders

YiNtatheli kaMthunywa UMGCINISIHLALO weHighlanders uKenneth Mhlophe, umsekeli wakhe uFiso Siziba lomgcinisikhwama uNkani Khoza badlule emhlabeni kungozi yemota eyenzakale ngoLwesine ebusuku emgwaqweni weBulawayo-Harare. Kubikwa ukuthi abathathu laba bebevela eKariba ngemva komdlalo…

Continue reading

Leave a Reply

Your email address will not be published. Required fields are marked *

×