admin
Siphathokuhle Ngulube
Siqhubeka sisuka lapho esama khona kuviki ephelileyo.
Kuyavela ke ukuthi amazwi la asebenza njengendlela yokubonga kanye lokukhuthaza lowo owenze okuhle ukuba aqhubeke esenza kuhle. Esintwini umuntu ongazi ukubonga kumbe ongazi ukunanzelela okuhle okwenziwe ngomunye akathandeki ngitsho. Ngokunjalo – ke kuqakathekile ukuba sinanzelele indlela la amazwi asebenza ngayo enkulumeni yethu yansuku zonke. Lawe ke mfundi ungawasebenzisa kumngane wakho mhlawumbe nxa ethe:
—- wakudobhela ugwalo lwakho oluqakathekileyo wazokunika.
— wakuboleka ugwalo oluyimvela kancane esikolo, lologwalo lukwenze waphumelela kakhulu emhlolisweni
— wakufakazela kumbalisi ngemva kokuba usumbandakanyiswe lezikliwi ezenze ububi obuhlasimulisa umzimba esikolo.
— wakuboleka isigqoko sokuya emidlalweni ethile wena ukade ungelaso leso sigqoko.
—-wakuboleka usiba ngesikhathi libhala umhloliso usuphelelwe ungasazi.
Lezi ezingaphezulu yizibonelo nje ezingenza ubonge umngane wakho usebenzisa amagama athi, “Wenzile, ungadinwa lakusasa”
Akucabange lawe ezinye izehlakalo ezingakwenza ubonge umngane wakho ngendlela osekuxoxwe ngayo! Asihlanganeni ngeviki ezayo bangane!
Online Reporter