Online Reporter
Ethel Ncube
BASAKHAKHAMELE omakorokoza beShurugwi kulandela ukugwazwa kubulawe omunye wabo kubangwa isitshwala ngeviki ephelileyo
Kubikwa uNicholas Matanda oleminyaka engu-19 ugwaze wabulala uTanaka Sithole oleminyaka engu-26 ngemva kokuxabana kubangwa isitshwala eDollar Farm.
UMatanda kubikwa waba lokungezwani loSithole kubangwa ukwabelwana isitshwala wasethatha ingqamu wagwaza uSithole ikhwapha qede wabaleka.
Isikhulumi samapholisa eMidlands uInspector Emmanuel Mahoko uqinisekise ngesehlakalo sokufa kukaTanaka Sithole kulandela ukuxabana lomunye kubangwa isitshwala.
Uthe uSithole wathwalelwa esibhedlela seGweru lapho adlula khona emhlabeni mhlaka 11 Nkwenkwezi.
Amapholisa enelisa ukubopha uMatanda njalo kukhangelelwe ukuthi avele emthethwandaba kunsuku ezinlutshwana ezizayo.
“Sikhuthaza uzulu ukuba ahloniphe impilo,” kubika uInsp Mahoko.
