admin
YiNtatheli kaMthunywa
KULENDODA yeZvishavane eleminyaka yokuzalwa engu-37 egwetshelwe ukuyahlala entolongweni okwenyanga ezingu-18 kulandela ukutholakala ilecala lokuhlangana emacansini lomzukulu wayo oleminyaka engu-15 yokuzalwa.
Umtshutshisi walelicala ubikele inkundla ukuthi kunyanga kaNtulikazi lonyaka umsolwa esingasoze siveze igama lakhe ngenhloso yokuvikela umamangala, wazibika kumzukulu wakhe umzukulu laye wavuma.
Laba ababili kubikwa bahlangana emacansini kanengi njalo basebephila okwezithandani.
Umthethwandaba uzwe ukuba udaba lolu lwavela lapho unina womntwana esesizwa omakhelwane bekhuluma ngobudlelwano obuphakathi kwendodakazi yakhe lomalumayo okwenza waphanga wayabikela amapholisa umsolwa wahle wabotshwa.
Ngemva kokucubungula udaba lolu umantshi wenkundla yeZvishavane uCharity Tonongera uthole umsolwa elecala lokubalobudlelwano obungalunganga lomntwana omncane wasemgweba ukuthi ayehlala entolongweni okwenyanga ezingu-18.
Online Reporter