admin
Sengilangazelela umamncane
Ngilijaha eselikhulile ngihlala lomama omncane ngoba umama kazange ahlale ndawonye lobaba. Loba ngihlale laye sengimdala kodwa wangamukela kuhle.
Umamomncane akakho mdala kakhulu kulami futhi abakabi lengane lobaba. Ubaba usebenza khatshana mina ngihlala lomamncane kuze kuphele inyanga.
Inkinga-ke umamncane ulokungenzela izinto engingaziqondiyo nje kuhle ngoba ngitsho egeza uyangibiza angithume enqunu enjalo. Kuyangihlukuluza lokho ngoba ngilemizwa, angazi loba uyangilinga yini ngalokhu akwenzayo?
Ngizwa sengimlangazelela ngezenzo zakhe. Ngicela ungibonise ngenzenjani ngalokhu babakazi?
Impendulo
Lo ngumama wakho, akukhathalekile ukuthi kawuzalwa nguye kodwa ngoba utshade lobaba wakho nje ungumama wakho. Angikuqondi ukuthi kungani engakuhloniphi yena esazi ukuba ungumntwana ongumfana.
Mhlawumbe kufanele ukhulume laye umtshele ukuthi uzizwa njani ngalokho akwenzayo.
Umtshele lokuthi uyamhlonipha ngakho-ke awufisi ukuthi kube lephutha elizakwenzakala phakathi kwenu.
Ngilesiqiniseko sokuthi ubaba wakho uthemba wena ukuze ukwazi ukukhangela umama wakho aze abuye kungakho-ke akumelanga kube lephutha elizaphambanisa ubudlelwano bakho loyihlo.
Lokhu okutshoyo ukuba ulemizwa kayisuke nje emkhumbulweni wakho, kungaba ngcono udinge eyakho intombi.
Online Reporter