admin
Nkosilathi Sibanda
ABALANDELI beqembu lenguqu eleChicken Inn loba bebalutshwane, bazathi ukuthenga izikipa zeqembu ezitolo.
Lokhu kuvele ngoMvulo ekuseni ngesikhathi iqembu liveza i-kit yalo entsha kumthimba owenzelwe koBulawayo.
Abadlali beChicken Inn abasoke babe lesizatho sokunqotshwa nanko phela sebegqokiswe impahla ezintsha lezi.
Usibalukhulu waleliqembu uTawengwa Hara wazise ukuba bazimisele ukuthi bagcine abadlali kakuhle ngenjongo yokuthi babaphakamise idlabuzane enkundleni.
Abadlali baphathiswe ngezikipa abazazigqoka emdlalweni yasekhaya, eyokuhamba leyokuqeqetsha.
IChicken Inn ithole usekelo kumankampani abalisa iBon Vie, iBlack Shark, iNicoz Diamond labathungi bempahla iKelme China.
“Lokhu sikwenzele ukuthi sigcine abadlali leqembu kakuhle. Sihlose ukuba liqembu elenza umsebenzi ngendlela,” kutsho uHara.
Umgcinisihlalo weqembu uJuta Tshuma unikeze isibongo kumankampani.
“Siphinde sibonge kakhulu kubaxhasi bethu abaphambili iSimbisa Brands, Nicoz Diamond okungabantu abakhulu abasinekeze amabhatshi lamabhulugwe wohlobo lwe-Chino, Black Shark leBon Vie. Sithi siyabonga ngokusenza sibukeke, ” kutsho usihlalo weChicken Inn uJuta Tshuma
IChicken Inn iphindela enkundleni ngoLwesithathu emini kumdlalo wenkezo yeChibuku lapho ezadibana leBulawayo City.
Ummeli wenkampani yeNicoz Diamond uInnocent Tinaro uthe basekele iChicken Inn ngoba bebona ukuthi liqembu kuzwa.
“Izinga lokwenziwa komsebenzi eChicken Inn liphezulu. Yikho lokho okusikhuthaze kakhulu ukuthi sibambisane laleliqembu. Sibafisela isizini enhle.”
Online Reporter