admin
KUVELA ukuthi ubulawe yiCovid-19 uNkosikazi Oltha Selepe (65) (GeeSixFive) ozakhele udumo kubathandi bomculo kuleli ngengoma ethi Obani Lababantu ayikhiphe ngenyanga edluleyo.
Umdeni kaG65 uqinisekise izindaba zokudlula kwakhe emhlabeni esitatimendeni esithunyelwe abezindaba ngoLwesithathu ekuseni.
“UNkkz Selepe utshonele eThekwini lamhlanje lapho abezivalele khona endlini egadwe umdeni kulandela ukuthola ukuthi uleCovid-19 ngoMvulo,” kutsho umdeni esitatimendeni.
Umdeni uthe uG65 utshiye emhlabeni izingane zakhe ezintathu, udadewabo, kanye labazukulu abanengi.
Ngaphandle kokucula uNkk Selepe owatshiywa ngumyeni wakhe ngo-1990, ubematasa ngezifundo zakhe zePhD ku-Higher Education abelindele ukuziqeda ngo-2022. Ngo-2018 uqeqetshe kuMaster’s Degree eleminyaka engu-63.
Umdeni wakhe uthe uthando lwakhe lomculo lwaqala ngesikhathi efundela ukuba ngutitsha.
UG65 ubesanda kuthatha umhlalaphansi ngoMbimbitho walo nyaka lapho ebekade engumaneja yesikhungo, iNorthdale TVET College.
Ubeke wafundisa laseLondon, eNgilandi, kusukela ngo-2000 kuya ku-2005. – Ubulembu
Online Reporter