admin
ININA elizithweleyo lidabukile njalo lididekile.
Impilo yakhe isijikile kakwazi lokuthi enzeni.
Uthwele umntwana wendoda eyadlwengula indodakazi lendodana yakhe, abangamaphahla.
“Inhliziyo yami idabukile. Bengithi umkami uzakuba ngubaba wabantwabami,” kutsho inina elileminyaka engu-29 elivela eMaphupheni duzane leTwatwa, Ekurhuleni.
“Ngiyehluleka ukukwamukela. Ngithwele umntwana wendoda le, kodwa wadlwengula abantwabami. Angikwazi ukuthi ngenzeni,” kutsho yena.
Indoda le yaqala ukudlwengula amawele la azalwa ngomnyaka ka-2017, ngenyanga kaNcwabakazi.
“Ngiyathengisa ezitaladeni, njalo izikhathi ezinengi bengimtshiya labantwana ngoba engasebenzi. Bengingacabangi ukuthi angenza into enjalo,” kutsho yena.
Uthe indoda le ibisenza angathi iyabathanda abantwana laba.
“Ngaqala ukukhathazeka ngibona umfanyana wami evuvukile emuva,” kutsho yena.
“Ngamusa ekilinika lapho umntanami afika wachaza ukuthi umkami wamhlukuluza.”
Uthe umntwana wanikwa umuthi wokugcoba andubana balaywe ukuthi baye emapholiseni.
Uthi babuza njalo elinye iwele eliyinkazana lalo laveza ukuthi liyahlukuluzwa ngokufanayo nguyise. Omongikazi bathi bemkhangela bathola ubufakazi bokuhlukuluzwa lokhu.
Uthe ucabangela ukuthi umkakhe angabe eselesikhathi eside esenza lokhu.
“Ngifuna indoda le ibotshwe. Usilethele ubuhlungu esingeke sabufisela loba ngubani,” kutsho yena.
“Abantwabami baphambanisekile ngalokhu.”
Uthe umntanakhe ongumfana uyesaba ingqamu kungakho kungenzakala ukuthi wayebethusela ngezikhali ngemva kokubahlukuluza.
“Indodakazi yami isihlala ibamba isitho sayo sangasese mhlawumbe yikuhlukuluzwa lokhu okumenza enze njalo,” kutsho yena.
Uthe baqala ukuba ngabangane lendoda le ezithwele, ngemva kwenyanga ezintathu ebelethile baqala ukuthandana.
Umetheswacala lokhu engakabotshwa ngoba wabaleka.
Isikhulumi samapholisa Sergeant Khensani Mathebula uthe abantwana bakhangelwa njalo ngama-forensic social workers. – Ubulembu.
Online Reporter