admin
YiNtatheli kaMthunywa
KULENDODA eleminyaka engu-22 yeLukange eBeitbridge East egwetshelwe ukuyapika ejele iminyaka eyisificaminwe mibili ngemva kokutholakala ilecala lokudlwengula intombazana eyayithumba ihamba lejaha layo bevela emlindelweni.
UFreedom Ndou ulandule icala lakhe ngesikhathi emiswe phambi kukamantshi uMnumzana Stanford Mambanje ngoLwesibili.
Uthe umamangala yintombi yakhe efisa nje ukumkhawulisa, kodwa watholakala elecala ngemva kokulethwa kobufakazi phambi kwenkundla.
Umtshutshisi kulelicala, uMnumzana Manyonga Kuvarega ubikele i8nkundla ukuthi mhlaka 26 Mpandula, umamangala kanye lezinye izakhamizi bahamba emlindelweni esiqintini seLukange.
Uthe ngehola lesibili ekuseni, wasuka emlindelweni asesiya ngakibo ehamba lejaha lakhe.
Kubikwa besendleleni, ababili laba bahlangana loNdou owayelabangane bakhe ababili.
UNdou waqala ukuxabana lejaha likamamangala andubana athumbe umamangala aye laye ngakibo.
Sebefikile endlini, wathatha umchilo wathebisa ukumtshaya nxa angala ukuya laye emacansini.
Inkundla izwe ukuthi umsola wadlwengula kanye umsolwa andubana ajumeke. Lapho umamangala abaleka khona wayaikela izihlobo ezahle zayabikela amapholisa umsolwa wabotshwa.
UNdou ubegwetshwe ukuthi ayepika iminyaka engu-12 andubana umantshi ephule iminyaka emithathu kukhangelelwe ukuthi angenzi icala elifanayo kuminyaka emihlanu ezayo.
Online Reporter