Vusumuzi Dube
Ethel Ncube
ABE-VETERINARY Services sebexwayise abalimi abafuye inkomo, imbuzi kunye lezimvu ukuba baqaphele umkhuhlane we-gall sickness ngoba uyingozi ekukhuleni kwezibaya zabo.
UDokotela Maria Jakarasi onguGovernment Veterinary Officer koBulawayo uthe umkhuhlane we-gall sickness ungekela ukwelatshwa masinya uyasithanyela isibaya ngesikhatshana.
Uthe umkhuhlane lo ubangelwa yimikhaza. Uthe umkhuhlane we-gall sickness ulezibonakaliso ezimbalwa nxa ungahlasela izifuyo.
“Umkhuhlane we-gall sickness ulendlela obonakala ngayo nxa ungahlasela izifuyo. Isifuyo silakho ukuba loqhuqho, ukuphela igazi, ukwehluleka ukudla, ukuqumba, okulakho ukubangela ukuthi isifuyo sicine sisehla isisindo.
“Isifuyo singaba lejondisi nakho amehlo kunye lejwabu kulakho ukuphenduka umbala kube lombala olithanga,” kuchasisa uDkt Jakarasi.
Uthe umkhuhlane we-gall sickness uyelapheka nxa umlimi engaphangisa ukuwunanzelela.
“Sikhuthaza abalimi ukuthi badibhise inkomo zabo ukuze bebulale imikhaza ngoba yiyo ememethekisa umkhuhlane lo.
“Nxa izifuyo sezithe zabanjwa ngumkhuhlane lo, umlimi ulakho ukubuya kithi odokotela azosichazela ngezibonakaliso ezikuzifuyo zakhe simbhalele umuthi oqondileyo wokuzelapha ukuze sivikele ukuthi umemetheke ugcwale isibaya sonke,” kuphetha uDkt Jakarasi.
Online Reporter