admin
Thokozile Mbedzi
KULENDODA eleminyaka engu-32 ebisihlutshwe ngunina owabhubhayo emaphutsheni yaze yaphenduka ekhaya ivela kweleSouth Africa yafika yanatha itshefu yafa.
Lokhu kwenzakale eTuli.
ULuckson Kufeni kubikwa usuke eSouth Africa elande ukuyabona izihlobo zikanina ukuthi azibikele ukuthi unina uyayuihlupha emaphutsheni njalonje. ukuba usezozibulala lapho.
Efika kibo kanina kubikwa uKufeni wachazela uninomncane ngodubo ayelalo lokuthi yikho eseze waphenduka eSouth Africa.
Kubikwa wamchazela ukuthi loba waqala waya kibo eShashe wazama ukuhlala kwala waqhubeka ephupha unina yikho wayesenakane ukuthi ezovakatshela ingcwaba lakhe.
Ekhuluma lentatheli kaMthunywa uNkosazana Kitshibile Tlou uthe babone into yamehlo.
“ULuckson ufike kuninomncane wambikela ukuthi uhlala ephupha unina embiza.
‘Waveza ukuthi kasabuquthi ubuthongo ngenxa yalokhu yikho nje waze wasuka leGoli waphenduka ekhaya.
“Ngosuku olulandelayo wavukela engcwabeni likanina wasesiya kugogo ozala unina wambikela njalo ngohlupho lwakhe.
“Ngemva kwesikhathiugogo waphuma wayakwenza imisebenzi yakhe wasala enatha itshefu andubana athume umntwana ayelaye ukuthi ayobiza ugogo wamfica esedlule emhlabeni,” kulandisa uNkszn Tlou.
Isikhulumi samapholisa esabelweni seMatabeleland South uInspector Loveness Mangena ebuzwa ngodaba lolu uthe solufikele ehofisini yabo.
“Udaba lwendoda enathe itshefu yafa solufikile ehofisini yethu njalo sisaluphenyisa,” kuphetha uInsp Mangena.
Online Reporter