admin
Listen Ndlovu
KULENDODA eleminyaka yokuzalwa engu-38 egwetshelwe ukuthi iyopika inyanga ezine ejele ngemva kokutholakala ilecala lokutshaya kabuhlungu umkayo imsola ngokuthi uthandana lomngane wayo.
UMbonisi Sibanda ugwetshwe izolo emini kulandela ukutholakala elecala lokutshaya umkakhe uPortia Zulu.
Kubikwa mhlaka 5 Lwezi uSibanda wafika endlini wethesa umkakhe umlandu wokuthandana lomngane wakhe bona betshadile.
USibanda umiswe emthethwandaba weTredgold phambi kukamantshi uNkosazana Nomsa Ncube esetheswa icala lokuhlukuluza unkosikazi wakhe njengokutsho komthetho weDomestic Violence Act.
Umtshutshisi kulelicala uHazel Ncube ubikele umantshi ukuthi uSibanda wafika endlini waqala umsindo esethesa umkakhe icala lokuthandana lomngane wakhe wacina esemtshaya ngezibhakela ebusweni lasekhanda wabuye wamkhahlela eqolo.
Esethula isigwebo umantshi uNkszn Ncube uthe uSibanda uzakuyapika ejele okwenyanga ezine andubana isigwebo lesi sibekwe eceleni kukhangelelwe ukuthi abhadale iRTGS$10 000, njalo kukhangelelwe ukuba aziphathe kuhle kuminyaka emihlanu ezayo.
Online Reporter